Алматы облысында полицей ауылды өрттен сақтап қалды

Алматы облысында учаскелік инспектор Дархан Жұмабеков Бесқайнар ауылын өрттен сақтап қалды, - деп хабарлайды Polisia.kz.

Оқиға 14 мамырда Қотырбұлақ өзені бойында болған. Дархан Жұмабеков оқиғаны естіп, өрттің тұрғын үйлерге қауіп төндіретінін білген.

"Ол өртсөндірушілерді шақырып, дереу оқиға орнына келді. Жел екпініне байланысты өрт тез арада тұрғын үйлерге жақындаған. Мұны уақытында байқаған Дархан өртсөндірушілерді күтпестен адамдарды жинап, оларға нұсқау бере отырып, өртті сөндірген", - деді полиция өкілі.

Ауыл тұрғындары облыстық ПД бастығы Серік Күдебаевқа учаскелік инспектор Дархан Жұмабековқа алғыс айтты.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!