+7 (777) 001 44 99
Қазақша
Русский
English
27 желтоқсан 2021 | 17:33
Алматы облысындағы ірі жол апаты: тасжол жағдайына кінәлілер үстінен қылмыстық іс қозғалды
Алматы облысында аймақтағы жол қозғалысы қауіпсіздігі мен жолдар жағдайына жауапты тұлғаларға қатысты қылмыстық іс қозғалды, - деп хабарлайды Tengrinews.kz тілшісі.
ПОДЕЛИТЬСЯ
Алматы облысында аймақтағы жол қозғалысы қауіпсіздігі мен жолдар жағдайына жауапты тұлғаларға қатысты қылмыстық іс қозғалды, - деп хабарлайды Tengrinews.kz тілшісі.
Полиция осыған дейін Алматы-Қорғас тасжолында 17 көлік соқтығысқан ірі жол-көлік оқиғасына кінәлі қызметкерлерді жауапқа тартпақ. Апат себептерінің бірі – ауа райы қолайсыздығы мен көктайғақ. Оқиға салдарынан зардап шеккендер бар.
"Жолдарды пайдалану және жол қозғалысы қауіпсіздігін қамтамасыз ету үшін жауапты тұлғаларға қатысты Қылмыстық кодекстің 353-бабы "Көлiкте қолданылатын қағидаларды бұзу" бойынша қылмыстық іс қозғалды. Іспен Алматы облысы Полиция департаментінің Тергеу басқармасы айналысады.
Факт бойынша сараптамалар тағайындалды. Уәкілетті органдарға тиісті сауалдар жолданды. Сондай-ақ, істі дұрыс шешу үшін жедел-іздестіру шаралары жүргізіліп жатыр", - деді облыстық ПД баспасөз қызметі өкілдері.
Еске салайық, 25 желтоқсанда таңертең сағат 10:00 шамасында Еңбекшіқазақ ауданындағы тасжолда 17 көлік соқтығысқан болатын. Оқиға Алматы-Қорғас тасжолының 134-шақырымында болған. Жол апатынан зардап шеккен бес адам Шелек ауылындағы облыстық ауруханаға медициналық тексеруден өту үшін жеткізілді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
