27 қараша 2024 | 16:09

Алматы іргесінде бала шағын автобустың астына түсіп, қаза болды

видео кадры

Алматы облысында шағын автобус баланы қағып кетті. Ол оқиға орнында қаза болды. Қайғылы оқиға "Асыл Арман" тұрғын үй кешені маңында болған, - деп хабарлайды Tengrinews.kz тілшісі.

Алматы облысында шағын автобус баланы қағып кетті. Ол оқиға орнында қаза болды. Қайғылы оқиға "Асыл Арман" тұрғын үй кешені маңында болған, - деп хабарлайды Tengrinews.kz тілшісі.

Әлеуметтік желілерде шағын автобус астында кішкентай бала жатқаны түсірілген видео пайда болды. Автокөлік жүргізушісі мектеп маңында баланы қағып өлтірді. Оқиға "Асыл Арман" тұрғын үй кешенінің маңында болған.

Куәгерлердің айтуынша, оқиға болған жер жаяу жүргіншілердің қауіпсіз қозғалысына мүлдем бейімделмеген: жаяу жүргіншілер өткелі мен аялдама жоқ.

Алматы облысы Полиция департаментінің баспасөз қызметі редакцияға берген мәлімет бойынша, 27 қарашада JAC автобусының жүргізушісі "Асыл Арман" тұрғын үй кешеніндегі тұрақ аумағында артқа жүріп бара жатып, 7 жасар баланы қағып кеткен. Бала алған жарақаттарынан оқиға орнында көз жұмды.