Алматы тауларында жоғалған қыз ауыр жағдайда табылды

5 шілдеде Үлкен Алматы көлі ауданында жоғалып кеткен Әлия Камиева табылды, - деп хабарлайды Tengrinews.kz тілшісі.

Алматы қаласы ТЖ департаментінің мәліметі бойынша, жоғалған адам 8 шілдеде сағат 10.56-да табылған.

Қыздың денсаулық жағдайы ауыр деп бағаланды. Зардап шегушіні тасымалдау және ауруханаға жатқызу қажет болған.

Департамент ҚР ТЖМ "Қазавиақұтқару" тікұшағын қыз табылған жерге жіберу бойынша жұмыстарды ұйымдастырды.

Айта кетейік, Әлия 5 шілдеде таңертең БАО ауданына шыққан және өзімен телефоны болмаған. Іздестіру-құтқару жұмыстарына құтқарушылардың ең көп саны жұмылған: Республикалық жедел-құтқару жасағының қызметкерлері, екі кинологиялық есеп, "109" құтқару қызметі, 75 ерікті.

Сілтемесіз жаңалық оқисыз ба? Онда Telegram желісінде парақшамызға тіркеліңіз!