Алматы тұрғыны жағдайды дұрыс түсінбей, жазықсыз адамға шабуыл жасаған

Бейнебаяннан алынған кадр

Жоғалған затын іздеймін деп, ауруханадан бірақ шықты. Алматыда жас жігіттің түнгі серуені оны есірткі жасырушы деп ойлап қалған адамның соққыға жығуымен аяқталды, деп хабарлайды Tengrinews.kz қалалық полиция департаментіне сілтеме жасап.

Оқиға Алматының 6-шағынауданында болған. Түнде "102" пультіне жас жігіт соққыға жығылғаны туралы хабарлама түсті. Оқиға орнына патрульдік полиция экипаждары дереу жетті. Шабуыл жасады деген күдікті жедел ұсталды.

"Алдын ала мәлімет бойынша, ұсталған азамат өтіп бара жатқан адамды есірткі салынған жасырын орын іздеп жүрген адам деп қабылдағанын түсіндірген. Алайда жәбірленушінің айтуынша, ол жоғалтып алған затын іздеген", - деп хабарлады полиция.

Шабуыл салдарынан ер адам дене жарақатын алды. Оқиға орнына жедел жәрдем шақырылып, зардап шеккен адам тексерілу үшін ауруханаға жеткізілді. Оқиғаның нақты себептері мен жанжалдың мән-жайы тергеу барысында анықталады.

Алматы шабуыл СОққы Полиция Ұстау

Редакция сұрағы

Бұл туралы не ойлайсыз?

Жолдау

Пікірлер редакция тарапынан модерациядан өтеді

Пікірлерді оқу