+7 (777) 001 44 99
Қазақша
Русский
English
11 қараша 2021 09:05
Алматыда 25 жастағы жұмысшы құрылыс нысанынан құлап мерт болды
Алматыда "Самал-3" ықшамауданындағы құрылыс нысандарының бірінде жұмысшы биіктен құлап, қаза болды. Марқұм небәрі 25 жаста болған. Бұл туралы "Алматы" телеарнасы репортажында айтылды, - деп хабарлайды Tengrinews.kz тілшісі.
ПОДЕЛИТЬСЯ
Алматыда "Самал-3" ықшамауданындағы құрылыс нысандарының бірінде жұмысшы биіктен құлап, қаза болды. Марқұм небәрі 25 жаста болған. Бұл туралы "Алматы" телеарнасы репортажында айтылды, - деп хабарлайды Tengrinews.kz тілшісі.
Қайғылы жағдайға қарамастан, тұрғын үй кешенін салу жұмыстары жалғасқан. Алайда телеарна журналистері құрылысшылармен және оқиғаның басқа да куәгерлерімен сөйлесе алмаған. Құрылыс алаңы толығымен қоршалған.
Тілшілер оқиғаның мән-жайын бас мердігерлерден білуге тырысқан. Алайда, олар да байланысқа шықпаған. Еңбек инспекциясы да нысанға кіре алмады. Оларға да кіруге рұқсат берілмеген. Құрылыс алаңында қауіпсіздікті сақтауға қатысты проблемалары болуы мүмкін.
"Бұйрық шыққаннан кейін ешқандай кедергі болмайды деп ойлаймын. Оқыс оқиға дерегі болғандықтан, оны тергеуге және оқиға болған жерді қарауға рұқсат беріледі. Қазірдің өзінде хат берілді. Бұйрық осы аптада шығады. Тергеу бұйрық шыққан күннен бастап 10 күнге созылады", - деді қалалық әлеуметтік қорғау басқармасының мемлекеттік еңбек инспекторы Әнуар Төлеуғали.
Бұл оқиғаны құқық қорғау органдары да зерттеп жатыр. Полиция департаменті мәліметінше, құрылысшы қауіпсіздік белдігінсіз биікте жұмыс істеген.
"Жас жігіт медициналық топ келгенге дейін қайтыс болды. Қазіргі уақытта бұл іс бойынша арнайы сараптамалар тағайындалды, қажетті тергеу әрекеттері жүргізіліп жатыр, оның қорытындысы бойынша оқиғаға құқықтық баға беріледі", – деді Алматы қалалық ПД ресми өкілі Салтанат Әзірбек.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
