+7 (777) 001 44 99
Қазақша
Русский
English
08 қараша 2024 | 12:48
Алматыда адам өліміне әкеп соққан автобус апатына қатысты сот отырысы басталды
Алматының Алмалы аудандық сотында маусымда болған автобус апаты туралы іс бойынша ашық сот талқылауы басталды. Жол апаты бір адамның өмірін қиды, тағы 25 жолаушы әртүрлі дәрежеде жарақат алды. Бүгін қылмыстық іс бойынша алдын ала тыңдау өтті, - деп хабарлайды Tengrinews.kz тілшісі.
ПОДЕЛИТЬСЯ
Алматының Алмалы аудандық сотында маусымда болған автобус апаты туралы іс бойынша ашық сот талқылауы басталды. Жол апаты бір адамның өмірін қиды, тағы 25 жолаушы әртүрлі дәрежеде жарақат алды. Бүгін қылмыстық іс бойынша алдын ала тыңдау өтті, - деп хабарлайды Tengrinews.kz тілшісі.
ҚР ҚК-нің 345-бабына, 3-бөлігіне сәйкес абайсызда адамның өліміне әкеп соқтырған іс-әрекетке айыпталған әйел сот алдына келді.
Алдын ала тыңдауда, судья, адвокаттар бірден прокурорға, содан кейін сотқа берілген қылмыстық істің материалдарымен танысуға үлгермегендіктен, оларға істі қарау үшін қосымша уақыт берілетінін мәлімдеді.
"Сотталушы мен оның қорғаушылары қылмыстық іс материалдарымен танысуға мүмкіндігі болмады және тиісінше өтініш беру құқығынан айырылды. Сарапшылардың қорытындысын іске қосу туралы қорғау өтініші негізгі сот талқылауы барысында қаралатын және шешілетін болады. Іс материалдарымен танысу туралы өтініш қосымша уақыт бере отырып қанағаттандырылды", - деді судья Қ.Иманқұлов.
Сот ашық отырысты 19 қарашаға сағат 10:30-ға белгіледі.
Еске салайық, Алматыда KIA маркалы көлік жүргізушісі Мақатаев көшесін оңтүстік бағытта кесіп өтіп, "City bus" ЖШС жеке тасымалдаушысы қызмет көрсететін 18-бағыттағы автобуспен соқтығысқаны, ол кейіннен кедергіге соқтығысқаны хабарланды.
Оқиға салдарынан автобустың 25 жолаушысы зардап шегіп, тағы бір жолаушы оқиға орнында көз жұмған.
Адам өліміне әкелген жол-көлік оқиғасы бойынша қылмыстық іс қозғалды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
