+7 (777) 001 44 99
Қазақша
Русский
English
27 сәуір 2021 | 12:54
Алматыда автобус тепловозбен соқтығысты
Автобус жүргізушісі теміржол бойымен келе жатқан тепловозбен соқтығысты. Видеода апаттан кейін зақымданған қоғамдық көлік көрінеді, - деп хабарлайды Tengrinews.kz тілшісі.
ПОДЕЛИТЬСЯ
Автобус жүргізушісі теміржол бойымен келе жатқан тепловозбен соқтығысты. Видеода апаттан кейін зақымданған қоғамдық көлік көрінеді, - деп хабарлайды Tengrinews.kz тілшісі.
Видео кадрларынан зақымданған автобус пен тепловоз жолды бөгеп, қозғалысқа кедергі келтіріп тұрғаны көрінеді. Видео авторы жолдағы жағдайды басқа жүргізушілерге ескерткен.
Алматы полиция департаменті баспасөз қызметі өкілдері апат 27 сәуірде сағат 09.30-да Бекмаханов көшесі 81-үйге қарама-қарсы жолда болғанын айтты.
"74 нөмірлі ЛиАЗ маркалы автобус жүргізушісі Бекмаханов көшесімен батыс бағытта келе жатып, оңтүстік бағытта рельспен келе жатқан тепловозбен соқтығысқан. Апат салдарынан ешкім зардап шеккен жоқ. Факт Түрксіб аудандық ПБ қызметкерлерімен өндіріске қабылданды", - деді Алматы қаласы ПД анықтау басқармасының бастығы полиция майоры Олжас Шәріпов.
Еске салайық, 2019 жылдың қыркүйегінде пойыз Шамалған өткелінде автобуспен соқтығысқан болатын. Автобус жүргізушісі қаза тауып, әйел мен екі бала жарақат алған еді. Кейін сот өткелдегі кезекші реттеушіні апатқа кінәлі деп тапты.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
