Алматыда автобустағы ер адам оғаш әрекеттер жасап жасөспірім қызды шошытқан

Алматыда полицейлер қоғамдық көлікте оғаш әрекеттер жасаған ер адамның видеосын тексеріп жатыр, - деп хабарлайды Tengrinews.kz.

Не болды?

Әлеуметтік желілерде адам лық толы автобуста оғаш әрекеттер жасаған ер адамның видеосы тарады.

"Ер адам №95 автобусқа мініп, кәмелетке толмаған қыздың қасында тұрып, әдепсіз әрекеттерімен оның зәресін алған", - делінген ролик сипаттамасында.

Полиция жауабы

Полиция департаментінің баспасөз қызметі мәліметіәнше, тәртіп сақшылары тараған бейнежазба бойынша тексеру жүргізіп жатыр.

"Оқиға орны мен уақыты, сондай-ақ құқық бұзушының жеке басы анықталып жатыр. Барлық мән-жайы анықталғаннан кейін кінәлі тұлға жауапқа тартылады", - деп нақтылады ведомство өкілдері.

Полиция мұндай әрекеттер қоғамдық тәртіп нормаларын өрескел бұзатынын және мұндайға жол берілмейтінін ескертті.