Алматыда екі автобус соқтығысты: бір адам қаза тауып, 15-і зардап шеккен

Алматыда екі автобус соқтығысып, бір адам қаза тапты, - деп хабарлайды Tengrinews.kz тілшісі.

Әлеуметтік желіде Төле би көшесі мен Абылай хан даңғылы қиылысында болған жол апатының кадрлары пайда болды. Екі автобус соқтығысып, жолаушылар арасында зардап шеккендер бар екені хабарланды.

"Алматы қалалық Полиция департаменті 98 және 201-бағыттағы екі қоғамдық көліктің соқтығысуы салдарынан бір адам қаза тауып, алдын ала мәлімет бойынша 15 адам зардап шеккенін хабарлайды", - делінген хабарладама.

Дерек ҚР ҚК-нің 345-бабы 3-бөлігі бойынша соталды тергеудің бірыңғай тізіліміне тіркелген. Сараптамалар тағайындалды.

facebook.com/Гүлмира Илеуова

Сілтемесіз жаңалық оқисыз ба? Онда Telegram желісінде парақшамызға тіркеліңіз!