Алматыда екі қабатты ғимарат өртенді

Алматыда Рысқұлов даңғылында екі қабатты ғимарат өртенді, оны 60 адам сөндірді, - деп хабарлайды Tengrinews.kz тілшісі.

4 сәуірде сағат 13:22-де өрт сөндірушілер Алатау ауданы, Рысқұлова даңғылы, 258 мекен-жайындағы ғимаратты сөндіруге аттанды.

Фото: Алматы ТЖД

"Оқиға орнына 5 минутта жеткен кезде 2 қабатты ғимарат жанып жатты. Газ және түтіннен қорғау қызметі барлау кезінде адамдар табылмады, өрт сөндіргіш оқпандар жеткізілді, өрт сөндіруге арналған цистерналар гидранттарға орнатылды, үздіксіз сумен жабдықталды. Өрт болған жерде 18 техника мен 60 жеке құрам жұмылды", - деді қалалық ТЖД қызметкерлері.

Сағат 13:58-те өрт ауыздықталған. Өрт орнынан көлемі 25 литр газ балоны шығарылды.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!