Алматыда жол талғамайтын көлік жаяу жүргіншіні қағып кетті

Алматыда 13 ақпанда Mercedes жүргізушісі ер адамды қағып кетті. Жол апаты болған жерден түсірілген видео әлеуметтік желіде тарады, - деп хабарлайды Tengrinews.kz тілшісі.

Жол-көлік оқиғасы кешкі сағат 9 шамасында Жетісу ауданында болған. Куәгерлер түсіріп алған кадрларда жерде қанға боялған ер адам жатқаны көрінеді.

Бейнежазбадағы жантүршігерлік көріністі этикалық себептерге байланысты жарияламаймыз.

"Mercedes жүргізушісі Назарбаев даңғылы бойымен келе жатып, алдын ала мәлімет бойынша, белгіленбеген жерден жолды кесіп өтпек болған жаяу жүргіншіні қағып кеткен. 1984 жылы туған зардап шегуші жарақат алып, ауруханаға жеткізілді", – деп хабарлады Алматы қалалық полиция департаменті.

Сілтемесіз жаңалық оқисыз ба? Онда Telegram желісінде парақшамызға тіркеліңіз!