Алматыда жолаушы автобус жүргізушісіне шабуыл жасаған: видео

Желіде автобустағы оқиғаның видеосы тарады. Жолаушылардың бірі автобус жүргізушісіне шабуыл жасаған, - деп хабарлайды Tengrinews.kz тілшісі.

Qumash Telegram-арнасында видео жарияланды. Кадрларда ер адамның жүргізушіге ұмытылып, жолаушылар мен жол қозғалысына қауіп төндіргені көрінеді. Автобустағы кейбір адамдар жанжалға араласпай, түсіп қалуды жөн көрген. Кадрларға қарағанда, түсірілім автобус тоқтағаннан кейін басталған.

Жағдайға қатысты жеке автобус паркінің өкілі пікір білдірді.

"Жүргізушінің айтуынша, жолаушы "Барлық" базары аялдамасынан мінген бойда ашулана бастаған. Жүргізушінің оған ешқандай шағымы жоқ, түсініктеме беруден бас тартты", – деп хабарлады автобус паркінің аға диспетчері.

Ер адамның оқиғадан кейін, келесі аялдамада түскені нақтыланды. Алматы полициясынан пікір сұрадық, алайда материал жарияланған сәтте жауап келмеді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!