Алматыда кафеден өрт шықты. Желіде суреттер жарияланды

Алматыда дәмхана өртенді. Қара түтін қаланың түрлі бөлігінен көрінеді, - деп хабарлайды Tengrinews.kz тілшісі.

Түтін Орталық стадион аумағынан да байқалды.

Оқиға 27 маусымда таңертең сағат шамамен 8:20-да Момышұлы және Рысқұлов көшелерінің қиылысында болған. 101 пультіне шақыру 8:22-де түсті, өртсөндірушілер оқиға орнына 3 минутта жетті.

"Өртсөндірушілер жоғары дәрежелі шақыру бойынша жұмыс істеп жатыр. "Терраса" кафесінен өрт шықты. Жедел штабтың жұмысы басталды. 50 литрден үш газ баллоны шығарылды. Жарылыс қаупі болды", - деп хабарлады ТЖД өкілдері.

ТЖД өкілдері өрт қалалық бейнебақылау жүйесінің арқасында анықталғанын айтты.

Өрт 9.15-те ауыздықталды.

"Өрт таралу қаупі жойылды. Үш газ баллонынан басқа өрт орнынан оттегі баллоны да шығарылды. Жарылыс қаупі жойылды", - деді ведомстводағылар. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!