+7 (777) 001 44 99
Қазақша
Русский
English
30 қараша 2023 | 09:38
Алматыда өрт шыққан хостел бұрын қандай болған? Суреттер
30 қарашада таңертең Алматыдағы жатақханалардың бірінде өрт шығып, 13 адам қаза тапты. Өртке дейін қонақүй ғимараты қандай болды - Tengrinews.kz материалында.
ПОДЕЛИТЬСЯ
30 қарашада таңертең Алматыдағы жатақханалардың бірінде өрт шығып, 13 адам қаза тапты. Өртке дейін қонақүй ғимараты қандай болды - Tengrinews.kz материалында.
2GIS қосымшасында Әди Шәріпов көшесі, 86 мекенжайында орналасқан Almaty Hostel рейтингі жоғары болған, бірақ өрттен кейін ол 4,3-ке дейін төмендеді.
Суретке қарағанда, бөлмелерде екі қабатты кереуеттер болған.
"13 адам қайтыс болды. Суреттерге қараңыз, адамдар қандай жағдайда өмір сүрген: дәлізде төсек-орындар, төсектер төбеге дейін тиіп тұр.
Тіпті терезелер де жоқ, бәрі тығыз. Әрине, түтіннен жол табу мүмкін емес. Қайтыс болғандарға обал. Мұндай орындарда жедел түрде тексеру жұмыстары жүргізілуі керек.
Мәселе хостелде ғана емес, студенттердің тұратын жерінің жоқтығында", – деп жазады қолданба қолданушылары.
Суреттерге қарағанда, көптеген бөлмелерде төсектер бір-біріне жақын орналасқан.
Алматы Төтенше жағдайлар департаментінің мәліметінше, үш қабатты тұрғын үйдің бірінші қабаты мен жертөлесі жатақханаға айналдырылған. Яғни, шын мәнінде, қонақүй бір қабатта және жертөледе орналасқан.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
