+7 (777) 001 44 99
Қазақша
Русский
English
30 қараша 2023 | 18:01
Алматыда өрт шыққан хостел иелері іздестіріліп жатыр
Полицейлер Алматыда өртенген хостелдің иелерін іздестіріп жатыр, - деп хабарлайды Tengrinews.kz тілшісі.
ПОДЕЛИТЬСЯ
Полицейлер Алматыда өртенген хостелдің иелерін іздестіріп жатыр, - деп хабарлайды Tengrinews.kz тілшісі.
РСК брифингінде төтенше жағдайлар министрі Сырым Шәріпханов полиция тіркелмеген хостел орналасқан үй-жайдың иелері мен жалға алушылардың жеке басын және орналасқан жерін анықтап жатқанын атап өтті. Алматы полициясы бұл іске қатысы болуы мүмкін күдіктілерден әзірге жауап алынбағанын айтты.
"Бұл адамдардың жеке басы анықталды. Қазіргі уақытта олардың тұрғылықты жерін анықтау шаралары жүргізіліп жатыр. Әзірге олардың ешқайсынан жауап алынған жоқ. Қазір барлық құжаттаманы жинап жатырмыз, мән-жайы анықталып жатыр", - деді Алматы ПД Тергеу басқармасы бастығының орынбасары Айбат Мурзамадиев.
Еске салайық, бұған дейін 30 қарашада сағат 5:33-те Алматыдағы Әди Шәріпов көшесінде өрт шыққаны хабарланды. Алдын ала деректер бойынша, 13 адам қаза тапқан.
Алматыда өрт шыққан хостел бұрын қандай болған? Суреттер
Хостелде, алдын ала мәлімет бойынша, 72 адам болған, 59 адам эвакуацияланған. Өртті сөндіруге Алматы Төтенше жағдайлар департаментінің 46 адамы мен 13 техникасы жұмылдырылған.
Үкімет хостелдегі өртті тергеу бойынша комиссия құрды. Сондай-ақ, өрт дерегі бойынша қылымыстық іс қозғалғаны белгілі болды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
