Алматыда полицейлердің "бәріне рұқсаты бар" көлікке қатысты әрекеті: қызметтік тергеу басталды

Алматыда полицейлердің әрекетіне қатысты қызметтік тергеу басталды, - деп хабарлайды Tengrinews.kz тілшісі.

ІІМ полицейлердің әрекетіне қатысты редакцияның ресми сұрауына жауап берді. Видеода полицейлер ереже бұзған жүргізушіні "бәріне рұқсаты бар" арнайы қағаз көрсеткеннен кейін босатып жібереді. Бұған қатысты ІІМ Алматы Полиция департаментінің патрульдік полиция полкі қызметкерлерінің әрекетінің заңдылығы мәселесі бойынша қызметтік тексеріс басталғанын хабарлады. Тексеру нәтижелері кейінірек жарияланады.

Еске салайық, бұған дейін Мәжіліс кулуарында ішкі істер министрінің орынбасары Марат Қожаев Алматыдағы полицейлердің әрекетіне қатысты пікір білдірген болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!