+7 (777) 001 44 99
Қазақша
Русский
English
Кеше | 16:46
Алматыда полицейлердің самокат мінген адамды қуған сәті видеоға түсіп қалды
Әлеуметтік желіде полицейлердің самокат жүргізушісін қуып бара жатқаны түсірілген видео тарады. Алматы полициясы құқық бұзушының ұсталғанын хабарлады, - деп хабарлайды Tengrinews.kz тілшісі.
ПОДЕЛИТЬСЯ
Әлеуметтік желіде полицейлердің самокат жүргізушісін қуып бара жатқаны түсірілген видео тарады. Алматы полициясы құқық бұзушының ұсталғанын хабарлады, - деп хабарлайды Tengrinews.kz тілшісі.
Видеода екі тәртіп сақшысы қызметтік көліктен түсіп, самокат мінген жігіттің артынан қуа жөнелгені көрінеді. Ол тоқтамайды. Нәтижесінде полицейлер тұрғынды ұстап, полиция бөлімшесіне жеткізген.
"Самокат мінген адам Зенков көшесінде жол ережесін бұзғаны үшін ұсталды. Оған қатысты 620-баптың 1-бөлігі бойынша "Жол қозғалысына қатысушыларға қойылатын өзге де талаптарды бұзу" бойынша әкімшілік хаттама жасалды", - деп хабарлады Алматы Полиция департаментінің баспасөз қызметі.
Ведомство мәліметінше, жыл басынан бері жол қозғалысы ережесін бұзған 28 мың самокат пайдаланушысы әкімшілік жауапкершілікке тартылған.
"Баламалы көліктер, соның ішінде мопедтер мен самокаттар санының өсуін ескере отырып, қалада жолдағы жағдай өте қиын. Жыл басынан бері самокаттар 103 ЖКО түсіп, 109 адам жарақат алды, қаза тапқандар жоқ", - деп қорытындылады полиция.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
