Алматыда салынып жатқан тұрғын үй кешенінде өрт шықты

Алматыда салынып жатқан тұрғын үй кешені ғимаратында өрт шықты. Қалалық ТЖД жағдайға қатысты түсінік берді, - деп хабарлайды Tengrinews.kz тілшісі.

Әлеуметтік желілерде өрт шығып жатқан жердің видеосы жарияланды. Кадрлардан ғимараттан қою қара түтін шығып жатқаны көрінеді.

Алматы ТЖД баспасөз қызметінің ақпараты бойынша, өрт 10.22-де басталған.

"Сегіз шаршы метр алаңда салынып жатқан тоғыз қабатты "Драгон сити" тұрғын үй кешенінің бірінші қабатында пластикалық құбырлар өртенген. Өрт арнайы қызмет келгенге дейін ауыздықталды", - деді ведомство өкілі.

Фото: Алматы ТЖД

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!