Алматыда түн ортасында алапат өрт болды

Алматы тұрғындарын түн ортасында қаланың шағын аудандарының бірінде болған алапат өрт шошытты, - деп хабарлайды Tengrinews.kz тілшісі.

3 қарашаға қараған түні Бостандық ауданы Радостовец көшесінде екі қабатты ғимарат өртенген. Өрттің күшті болғаны соншалық - жалын шамамен 10 метрге биікке жеткен. Ал өрт сөндіруге келген өрт сөндіру көліктерінің сирена дыбысы жақын маңдағы үй тұрғындарын оятқан.

Төтенше жағдайлар департаментінің хабарлауынша, өрт екі қабатты, қараусыз қалған ғимаратта, жалпы аумағы 180 шаршы метр жерде болған.

"Өрт 00.04-те ауыздықталып, 00.31-де сөндірілді. Қайтыс болғандар мен зардап шеккендер жоқ", - деді ведомстводан.

Фото: Алматы ТЖД баспасөз қызметі

Сілтемесіз жаңалық оқисыз ба? Онда Telegram желісінде парақшамызға тіркеліңіз!