Алматыда үш автобус жол апатына ұшырап, жеті адам зардап шекті

Алматыда Абай даңғылында үш автобус жол апатына ұшырап, жеті адам зардап шекті, - деп хабарлайды Tengrinews.kz тілшісі.

Жол-көлік оқиғасы бүгін Сейфуллин даңғылы мен Масанчи көшесі аралығында болған. Барлық үш автобус батыс бағытта келе жатқан.

Салдарынан жеті адам ауруханаға жеткізілді.

"Біреуі нейрохирургия бөліміне жеткізілді. Жағдайы қазір тұрақты. Қалғандары үйлеріне амбулаторлық ем алуға жіберілді", - деді қалалық Денсаулық сақтау басқармасының өкілдері.