Алматыдағы әл-Фараби даңғылында ірі жол апатынан кейін көлік өртеніп, кептеліс пайда болды

Дина Шарипханова Корреспондент

25 қарашада таңертең Алматыдағы әл-Фараби даңғылында жаппай жол апаты болды, зардап шеккендер бар, - деп хабарлайды Tengrinews.kz тілшісі.

25 қарашада таңертең Алматыдағы әл-Фараби даңғылында жаппай жол апаты болды, зардап шеккендер бар, - деп хабарлайды Tengrinews.kz тілшісі.

Не болған?

Оқырмандар әл-Фараби даңғылындағы жол апатының кадрларын жіберіп жатыр. Куәгерлердің айтуынша, үш көлік соқтығысып, кейін біреуі өртеніп кеткен, зардап шеккендер бар.

Олардың сөзінше, өртке байланысты кептеліс пайда болған. 2GIS қосымшасындағы деректер мынадай:

Полиция пікірі

Алматы Полиция департаменті мәліметінше, оқиға сағат 7:00-де Бостандық ауданында болған.

"Toyota көлігінің жүргізушісі әл-Фараби даңғылы бойымен келе жатып, қарсы бағытқа шығып кетіп, Lexus көлігімен соқтығысқан. Кейін жолда тоқтап тұрған Lexus-қа Hyundai көлігі келіп соғылған", – деп хабарлады полиция.

Ведомство өкілдері соққыдан кейін Toyota көлігі өртенгенін айтты.