Алматыдағы автобустар соқтығысы: зардап шеккендердің жағдайы айтылды

Алматы денсаулық сақтау басқармасы екі автобустың соқтығысуы салдарынан зардап шеккендердің жағдайы туралы хабарлады, - деп хабарлайды Tengrinews.kz тілшісі.

10 наурызда Алатау аданында екі автобустың соқтығысуы салдарынан алты адам зардап шеккен.

"Алматы №7 клиникалық ауруханасының жедел жәрдем бөліміне бес адам жеткізілді. Зардап шеккендердің барлығы жан-жақты тексерілді. Төртеуі амбулаторлық емдеуге жіберілді, бір науқас ауруханаға жатқызылды. Науқастың жағдайы ауыр, тұрақты. Алтыншы Науқас Алматы көпсалалы клиникалық ауруханасына жеткізілді", - делінген Денсаулық сақтау басқармасының хабарламасында.

Еске сала кетейік, 10 наурызда таңертең Бекболат және Жаңа құрылыс көшелері қиылысында екі автобус соқтығысқан болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!