Алматының орталығында құбыр жарылып, аялдаманы су басты

Алматы орталығында құбыр жарылып, ыстық су атқылады, жақын маңдағы аялдаманы су басты, - деп хабарлайды Tengrinews.kz тілшісі куәгерге сілтеме жасап.

Куәгердің айтуынша, құбыр Әйтеке би - Абылайхан көшелерінің қиылысында шамамен сағат 12.15-те жарылған. Ауданда тұман түскен. Айта кетейік, бұл жерде паркинг орналасқан. Жүргізушілер өз көліктерін қауіпсіз жерге жеткізіп жатыр.

Алдын ала мәлімет бойынша, зардап шеккендер жоқ.