Ақмола облысында 25 жолаушысы бар автобустан өрт шықты

Иллюстрация © Lada.kz

А?мола облысында автобус ?ртенді. К?кшетау ІІБ ЖП? ?ызметкерлері автобуста?ы 25 жолаушыны эвакуациялады, - деп хабарлайды Tengrinews.kz тілшісі А?мола облысты? ІІД баспас?з ?ызметіне сілтеме жасап.

Ақмола облысында автобус өртенді. Көкшетау ІІБ ЖПҚ қызметкерлері автобустағы 25 жолаушыны эвакуациялады, - деп хабарлайды Tengrinews.kz тілшісі Ақмола облыстық ІІД баспасөз қызметіне сілтеме жасап.

Оқиға 13 сәуірде сағат шамамен 23.00-де Көкшетау қаласына кіре берісте болды. Облыстық ІІД мәліметтері бойынша,"Көкше-Цемент" АҚ-ға тиесілі автобус Біржан Сал ауданы Заозерный ауылынан жұмысшыларды алып келе жатқан. Салонда 25 жолаушы мен жүргізуші болды.

"Жол қозғалысындағы қауіпсіздікті қадағалайтын ІІД ЖПҚ жол-патрульдік полициясы батальонының қызметкерлері шұғыл түрде шара қолданып, автобустағы жолаушыларды эвакуациялады және құтқару қызметіне хабарлады", - деді баспасөз қызметіндегілер.

Айта кетейік, өрт ауыздықталды, жүргізуші мен жолаушылар зардап шеккен жоқ. Алдын ала мәлімет бойынша, өрт электр сымдарының тұйықталуынан болған. Тексеру жүріп жатыр.