Ақмола облысында Audi "КамАЗ"-бен соқтығысып қалды

Ақмола облысы аумағында орналасқан Алматы-Екатеринбург күрежолында Audi-80 маркалы көлік жол жиегінде тұрған "КамАЗ"-бен" соқтығысып қалды, - деп хабарлайды "Интерфакс-Қазақстан".

Жол апаты салдарынан жеңіл көліктің жүргізушісі оқиға орнында қаза тапса, көлікте отырған бір жолаушы ауруханаға жеткізілгенімен есін жиып үлгерместен жан тапсырған. Ал қалған екі жолаушы ауруханаға жатқызылса, олардың бірі медициналық көмек көрсетілгеннен кейін үйіне жіберілген. "Камаз" жүргізушісі зардап шеккен жоқ.

Осы оқиғаға байланысты тексеріс жүргізілуде.