Ақтауда мотоцикл жол полициясының көлігін соқты

Ақтауда мотоцикл жол полициясының көлігін соқты, - деп хабарлайды Тумба.kz басылымы. Оқиға бүгін, 20 маусымда 9, 11, 14 ықшамаудандарының арасындағы айналма жолда болды.

Куәгерлердің айтуынша, таяуда тәртіп сақшылары мотоциклшіні қуған болатын. Алайда ол полицейлердің тоқтау туралы бұйрығына мән бермеген. Ұстау кезінде ол жол полициясының патруль көлігіне соғылды.

Қазіргі уақытта полицейлер болған оқиғаның мән-жайын анықтап жатыр. Басылым тілшілерінің мәліметінше, құқық қорғау органдары бұл оқиғаға қатысты ресми түсінікті кейін береді. Бірақ қазірдің өзінде мотоциклшінің жол апатына дейін бірнеше рет жол қозғалысы ережесін бұзғаны анықталды.