Ақтаудың орталығында ірі өрт болды

Фото lada.kz сайтынан

Ақтауда 2 қаңтарға қараған түні "Глобус" сауда кешенінде орналасқан кафелердің бірі өртеніп кетті. "Лада" басылымының хабарлауынша, дәмханада газ баллоны жарылғанға ұқсайды. Оқиғаның себебі әзірше белгісіз.

"Тумба" басылымының хабарлауынша, оқиға орнына өртке қарсы қызметтің сегіз тобы келген. Кафе түгел отқа оранды.

Әлеуметтік желілерде куәгерлердің оқиға орнынан ұялы телефонға түсірген фотосуреттері мен видеолары тарап жатыр.