Ақтөбе облысында бір топ журналист отырған микроавтобус аударылды

Ардақ Құлтаев

Ақтөбе облысында бір топ журналист отырған микроавтобус аударылды, - деп хабарлайды Tengrinews.kz тілшісі.

Облыс әкімдігінің баспасөз қызметі таратқан хабарлама бойынша, жол апаты 26 қаңтарда жергілікті уақытпен сағат 9.30 шамасында Әйтеке би ауданындағы Ұлғайсын ауылының маңында болған. Ырғыз ауылына бара жатқан Toyota Hiace аударылған.

Апат салдарынан жүргізуші мен екі жолаушы түрлі жарақатпен ауруханаға жеткізілген. Жол-көлік оқиғасының мән-жайы анықталып жатыр.