Ақтөбеде болған жаппай төбелестің видеосы жарияланды

Ақтөбеде болған жаппай төбелестің видеосы жарияланды, - деп хабарлайды Тengrinews.kz тілшісі. 

Мектеп түлектерінің төбелесі Instagram желісіндегі aktobe_zello паблигінде жарияланды. 

"Түлектердің жаппай төбелесі болды. Барлық жігіттерді полицейлердің көлігімен алып кетті. Тургенев көшесі 25.06.2017", - деп жазылған видеоның жазбасында.  

Кадрлардан костюм киген жігіттердің бір-бірін итеріп, ұрып жатқанын көруге болады. Қыздардың даусы естіледі. Оқиға орнына бірнеше патрульдік машина келген. 

Ал кейбір пікір жазғандардың айтуынша, ролик авторы түлектердің төбелесін тойдағы жағажыртыспен шатастырып алған. Себебі қолданушылар төбелес кезінде ақ көйлек киген қалыңдықты байқаған.