Ақтөбеде көпір үстінде төтенше жағдай болды

Ақтөбе қаласының 5-ші ықшамауданында 23 қаңтарда күндізгі уақытта Volkswagen Passat өртеніп, жарылған. Ондаған көліктің жүргізушілері оқиғаның куәгері болған. Олар оқиғаның видеосы мен суреттерін Instagram желісіндегі zello_aktobe парақшасына жолдаған.

Жазбаларға қарағанда, көлік түгелдей жанып кеткен. ТЖ салдарынан зардап шеккен адам жоқ. Өрттің неден шыққаны жайлы мәлімет анықталмады.

Жүргізушілердің бірі өрттің ошағында қалып қойған. Ер адам жарылыс болғанда таңғалғандықтан эмоциясына еркін берген сыңайлы.

Ескерту! Былапыт сөздер айтылады!