Ақтөбеде өрт салдарынан екі адам зардап шекті

Ақтөбе қаласында гаражда газ балоны жарылып, екі адам ауруханаға түсті, - деп хабарлайды "Ақтөбе жаңалықтары". 

Оқиға жексенбі күні сағат 11:42-де Тілеу батыр көшесінде тіркелді. Гаражда сақталған баллон жарылып, 10 шаршы метр жер өртенген. 

"Өрт 11:58-де толық сөндірілді. Өрт оқиғасы кезінде зардап шеккен 82 жастағы гараж иесі мен көршісі жарақат алып ауруханаға жеткізілді", - деді облыстық ТЖД баспасөз қызметінің өкілдері. 

Өртті сөндіруге 5 арнайы техника мен жеке құрамның 18 қызметкері жұмылдырылған.