+7 (777) 001 44 99
Қазақша
Русский
English
07 желтоқсан 2022 | 12:18
Аспанға оқ атқан: Шымкентте үш жүргізуші жазаланды
Шымкентте үш жүргізуші бірден 6 бап бойынша жауапкершілікке тартылды, - деп хабарлайды Polisia.kz.
ПОДЕЛИТЬСЯ
Шымкентте үш жүргізуші бірден 6 бап бойынша жауапкершілікке тартылды, - деп хабарлайды Polisia.kz.
Әлеуметтік желілерде бақылау жүргізу барысында Шымкент қаласы ПД қызметкерлері мегаполис көшелерінің бірінде үш Toyota Camry 70 автокөлігінің жүргізушілері жол қозғалысы ережелерін өрескел бұзып, олардың бірі мылтықпен ауаға оқ атқан видеоны анықтады. Бұл жазба жергілікті полиция қызметкерлері мен жедел бөлімшелер назарына іліккен. Нәтижесінде барлық құқықбұзушы анықталды. Олар жергілікті тұрғындар болып шықты.
Жүргізушілерге қатысты тәртіп сақшылары ҚР ӘҚБтК-нің үш бабы бойынша әкімшілік хаттама толтырған: 203-бап "Сақтандыруды бұзу", 602-бап "Көлік құралдары жүргізушілерінің сыртқы жарық аспаптары мен дыбыстық сигналдарды пайдалану, авариялық дабылды қолдану қағидаларын бұзуы" және 603-бап "Көлік құралына арнайы жарық және дыбыстық сигналдарды беруге арналған құрылғыларды орнату қағидаларын бұзу".
"Үш Toyota Camry 70 көлігі айыптұраққа қойылды. Жинақталған материал әкімшілік сотқа жіберілді. Полицейлер жүргізушілердің бірінен ПМ тапаншасын тәркіледі. Сондай-ақ, ер адам бұрын дүкеннен тапанша сатып алғаны анықталды, бірақ ол полицияға тіркелмеген. Оған қатысты полицейлер қосымша бірнеше әкімшілік құқық бұзушылықтар бойынша, оның ішінде ҚР ӘҚБтК 436-бабы, 437-бабы "Тыныштықты бұзу" және 482-бабы "Жеке және заңды тұлғалардың қаруды заңсыз сатып алуы, беруі, өткізуі, сақтауы, алып жүруі, тасымалдауы" бойынша іс жүргізді", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
