Астанада Аграрлық университеттің шатырын жел ұшырып әкетті

Астанада Сейфуллин атындағы Қазақ агротехникалық университеті корпустарының бірінің шатыры желден ұшып кетті, - деп хабарлайды Tengrinews.kz тілшісі.

Бұл мәліметті ҚР ІІМ Төтенше жағдайлар комитетінің ресми өкілі Руслан Иманқұлов растады. Оқиғаның мән-жайы анықталып жатыр.

Әлеуметтік желілерде шатыры ұшып кеткен ғимараттың суреттері мен видеолары жарияланып жатыр.

Еске сала кетейік, осыған дейін Астана қаласының әкімі Әсет Исекешевтің төтенше жағдай жариялағаны хабарланған болатын.