Астанада екі оқушы қыз тұрғын үй балконынан секіріп кетті

Астанада екі оқушы қыз тұрғын үй балконынан секіріп кетті, тергеу жүріп жатыр, - деп хабарлайды Tengrinews.kz тілшісі елорда ІІД баспасөз қызметіне сілтеме жасап. 11-қабаттан құлаған екі қыз да көз жұмды.

"Суицид дерегі бойынша полиция қызметкерлері Құдайбердіұлы даңғылында болған оқиғаның жай-жапсары мен кәмелет жасқа толмағандарды мұндай қылмысқа итермелеген себепті анықтау жұмыстарын жүргізіп жатыр", - деп хабарлады Астана ІІД баспасөз қызметіндегілер.

Оқиғаның жай-жапсарын ІІД баспасөз қызметіндегілер тергеу мүддесіне байланысты хабарламай отыр.

Айта кетейік, 12 мамырда Tengrinews.kz Ақтөбеде оқушы қыздың өзіне-өзі қол салғаны туралы хабарлады, ол кезде №3 орта мектептің оқушысы үйінде асылып қалды. Дәл осы мектептің еңбек пәнінің мұғалімі сәуірдің аяғында асылып қалған болатын.