Астанада елуден аса адам ірі өртті сөндіріп жатыр

Астанада бір қабатты бокс өртеніп жатыр. Өрт оқшауланды, бірақ әлі сөндірілмеген. Зардап шеккендер мен құрбандар туралы мәлімет жоқ, - деп хабарлайды Tengrinews.kz тілшісі.

ТЖМ мәліметінше, елорданың Байқоңыр ауданындағы Өндіріс көшесі, 37 мекенжайында орналасқан бокс нысанын жалын шарпыған.

"Өртті сөндіруге жеке құрамның 53 адамы мен 12 жедел әрекет ету техникасы жұмылдырылды", - делінген ведомство хабарламасында.

Сағат 07:26-да өрт оқшауланды. Оның себептері әлі анықталған жоқ.

Сілтемесіз жаңалық оқисыз ба? Онда Telegram желісінде парақшамызға тіркеліңіз!