Астанада ер адам газ баллонын жармақшы болды. Полиция себебін анықтап жатыр

Ішкі істер министрлігінің өкілдері "Қазмедиа орталығы" ғимаратының алдында газ баллонын жармақшы болған ер адамның әрекеті туралы пікір білдірді, - деп хабарлайды Tengrinews.kz тілшісі. 

"Қазіргі уақытта оқиғаның мән-жайы анықталып жатыр. Ер адам ұсталды. Оны Есіл аудандық полиция басқармасына оқиғаның мән-жайын анықтау үшін алып кетті. Оның қолында газ баллоны болды, ол өзіне қол жұмсамақшы болды. Оның бұл іске баруына не түрткі болғаны тексеріліп жатыр. Қазіргі уақытта ер адамның әрекеті қоғамдық тәртіпті бұзу болып бағаланады", - деді ішкі істер министрінің кеңесшісі - ҚР ІІМ ресми өкілі Нұрділдә Ораз.

Полиция оқиғаның мән-жайын анықтап жатыр.