Астанада ер адамды лифт басып қалып, мерт болды

Астанада сауда үйілерінің бірінде ер адамды лифт басып қалған, - деп хабарлайды Tengrinews.kz.

Астана қаласы ІІД-нің ресми өкілі Софья Қылышбекованың сөзінше, қаза болған ер адам "Гарант Auto City" сауда үйінде сантехник болып жұмыс істеген. 

"Аталған дерек СДТБТ-ға 156-бап "Еңбекті қорғау ережелерін бұзу" бойынша тіркелді. Қаза болған ер адамның кім екені анықталды. Ол Бөгенбай батыр көшесіндегі "Гарант Auto City"  сауда үйінде сантехник болып істеген. Көз жұмған ер адам 1979 жылы туған", - дейді ол. 

"Қазір сотқа дейінгі тергеу басталды, болған жайттың анық-қанығы анықталып жатыр. Қажетті сараптамалар тағайындалды. Ер адам оқиға орнында көз жұмған", - деп түсіндірді Софья Қылышбекова.