Астанада іздеуде болған 75 жастағы зейнеткер қамыстың арасынан табылды

Астаналық зейнеткер екі тәулік бойы қамыстың арасында жатқан, - деп хабарлайды Tengrinews.kz тілшісі Астана қалалық ІІД баспасөз қызметіне сілтеме жасап.

"30 тамызда шамамен сағат 23.00-де полицияға Астана қаласының тұрғыны 75 жастағы ер адамның жоғалғаны туралы хабарлаған. Сол күні олар отбасымен бірге демалған екен. (...)  Ер адам қамыстың ішінен есін жоғалтқан күйде табылған. Полиция қызметкерлері ер адамды ауруханаға жеткізген. Дәрігерлер оған қажетті көмекті көрсетті. Қазір ер адамның жағдайы жақсы, денсаулығына еш қауіп жоқ", - делінген хабарламада.

Астана қалалық ІІД баспасөз қызметіндегілердің мәліметінше, зейнеткердің туыстары полиция қызметкерлеріне алғыс білдіріп, хат жазды.