Астанада жиһаз цехында ірі өрт шықты

Астанада ірі өрт шықты. Елордалық өртсөндірушілер жиһаз цехындағы өртті сөндіріп жатыр, - деп хабарлайды Tengrinews.kz тілшісі ТЖМ мәліметіне сілтеме жасап.

Сағат 8:44-те Астана ТЖД өрт сөндіру бөлімшелері Көктал көшесі бойынша жоғары
дәрежеде шақырылды.

"Дереу елордалық өртсөндірушілер өртті сөндіруге кірісті. Жергілікті жерде өрт сөндіру штабы ұйымдастырылған. Алдын ала ауданы 500 шаршы метр.

Өрт сөндіруге ТЖД жеке құрамнан 54 адам және 12 техника, Апаттар медицинасы орталығының 3 адамы мен 1 техникасы жұмылдырылды", - делінген хабарламада.

Сілтемесіз жаңалық оқисыз ба? Онда Telegram желісінде парақшамызға тіркеліңіз!