Астанада жоғалып кеткен оқушы өлі табылды

Астанада 24 қарашада жоғалып кеткен 14 жастағы оқушы өлі табылды, - деп хабарлайды Tengrinews.kz тілшісі.

24 қарашада сағат 21:00-де полицияға елорда тұрғынынан арыз түскен. Ол қызы 18:30 шамасында үйден шығып кетіп, байланысқа шықпай қалғанын айтқан.

Астана ПД мәліметінше, оны іздеуге жедел түрде полицияның жеке құрамы, еріктілер және ТЖД қызметкерлері мен өзге де күштер жұмылдырылған.

"Іздестіру іс-шаралары нәтижесінде мектеп оқушысының мәйіті өзеннен табылды. Өз-өзіне қол жұмсау дерегі бойынша қылмыстық іс қозғалды. Оқиғаның барлық мән-жайы анықталып жатыр", - делінген хабарламада.

Сілтемесіз жаңалық оқисыз ба? Онда Telegram желісінде парақшамызға тіркеліңіз!