Астанада көлік бөлшектері ангарында ірі өрт шықты

Астанада таңда ірі өрт шықты. Мән-жайды ТЖМ өкілдері айтты, - деп хабарлайды Tengrinews.kz тілшісі.

Таңғы сағат 06.02-де елордалық өртсөндірушілер Сарыарқа ауданында тұрған көлік бөлшектері ангарындағы өртті сөндіруге кіріскен.

"Жеке тұрғын үйлерді қорғау үшін оқиға орнында 4 жауынгерлік учаскесі құрылды. Зардап шеккендер бойынша 112-ге ақпарат түскен жоқ", - деп жазылған хабарламада.

Кейінірек ТЖМ күштері өрттің таралу қаупін жойды. Өрт сөндіру оқпандары іске қосылған.

"Өрт толығымен 500 ш.м. алаңда ауыздықталды. Өрт орнында өрт зерттеу сынақ зертханасының және ТЖД анықтау бөлімінің қызметкерлері жұмыс істеп жатыр", - деп жазылған хабарламада.

Сілтемесіз жаңалық оқисыз ба? Онда Telegram желісінде парақшамызға тіркеліңіз!