Астанада "Күзет" полкінің қызметкері бір әйелді қағып кетті

Елордадағы ІІД баспасөз хатшысы Софья Қылышбекованың айтуынша, қайғылы оқиға 5 тамызда шамамен 19.00-де Қошқарбаев көшесінің бойында болды. "Күзет" полкінің қызметкері Daewoo Nexia автокөлігімен рұқсат етілген жерде, яғни жаяу жүргінші жолында өтіп бара жатқан әйелді қақты. Ол оқиға орнында қаза тапты. Жүргізуші ұсталды, уақытша ұстау изоляторына қамалды. Сотқа дейінгі тергеу басталды, қажетті сараптамалар тағайындалды", - деді Қылышбекова.

Еске салайық, екі күн бұрын Оралда жүргізуші бір әйелді қағып өлтірген болатын. Куәгерлердің айтуынша, әйел жолдан өтіп бара жатқанда жылдамдықты асырған көлік оны соғып кеткен.