Астанада қыз биіктен құлап, мерт болды

Астанада қыз биіктен құлап, мерт болды. Қайғылы оқиға 9 ақпанда болған, - деп хабарлайды Tengrinews.kz тілшісі.

Куәгерлер оқиға Кенесары мен Уәлиханов көшелері қиылысындағы көпқабатты үйде болғанын мәлімдеді.

"16 жастағы қыз 16-қабаттан құлады", - деді трагедия куәгерлері.

Астана Полиция департаментінің баспасөз қызметі өкілі елорда тұрғынының өліміне қатысты қылмыстық іс қозғалғанын жеткізді.

"Болған оқиғаның мән-жайын анықтау бойынша жұмыстар жүргізіліп жатыр", - деді ведомство өкілдері.

Еске салайық, бұған дейін Алматыда жұмысшы биіктен құлап мерт болғаны хабарланды. Қайғылы оқиға әл-Фараби мен Назарбаев даңғылдарының қиылысында орналасқан жаңа өнер мұражайының құрылыс алаңында болды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!