Астанада полицей мен дипломатиялық нөмір таққан көлік жүргізушісінің дауласқан видео пайда болды

Видеода жол полициясы қызметкері мен екі ер адамның дауласқаны түсірілген. Куәгерлер түсіріп алған видеода екі ер адамның құқық қорғау органдарының қызметкеріне дауыс көтере сөйлегені көрінеді. 

Астана қаласының ІІД өкілдері дипломатиялық нөмір таққан Skoda көлігінің жүргізушісінің әрекеті ҚР іс жүзіндегі заңнамасына сай тексерілетінін хабарлады.  

Сонымен қатар, баспасөз қызметінің өкілдері оқиғаның 4 қаңтарда вокзал алдындағы алаңда болғанын және полицейдің аталған көліктің тұраққа қою ережелерін сақтау бойынша талаптарын орындамауына байланысты шара қолданғанын айтты. Полиция Астананың дипломатиялық корпусы істері басқармасына жолданатын ақпарат жинақталғанын нақтылай кетті.