Астанада қойма өртеніп жатыр

Астанада қойма өртеніп жатыр, - деп хабарлайды Tengrinews.kz тілшісі Астананың ТЖД баспасөз қызметінің өкілдеріне сілтеме жасап. 

ТЖ жөніндегі департаменттің баспасөз қызметінің мәліметінше, Бейсебеков көшесі, 24/1 мекен-жайындағы өрт туралы хабар "101" пультіне 2015 жылдың 24 желтоқсанында сағат 18.39-да келіп түскен.  

"Бірінші өрт сөндіру бөлімшелері келгеннен кейін өрт шыққан орында рәзеңкелік-техникалық, қағаз және май өнімдерінің өртеніп жатқаны анықталды. Алдын ала мәлімет бойынша, өрт шалған аумақ - 200-300 шаршы метр", - деп хабарлады баспасөз қызметіндегілер.  

Өрт орнында Астананың ТЖД өрт сөндіру қызметінің қызметкерлері жұмыс істеп жатыр. Қосымша ақпаратты ведомство пайда болған кезінде жария етуге уәде беріп отыр.