Астанада тұрғын үй шатырына шығып алған жігіттің оқиғасы: сот шешімі шықты

Мамандандырылған ауданаралық сот 20 сәуірде Астанадағы "Көркем-3" ТҮК шатырына шығып, үй тұрғындары мен өтіп бара жатқан адамдардың зәресін алған жігітті жазалау туралы шешім шығарды. Оны полицейлер құтқарып қалған еді, - деп хабарлайды Tengrinews.kz.

Не болды?

Еске сала кетейік, 20 сәуірде "Көктем-3" ТҮК шатырынан адам байқалған. Оқиға орнына полицейлер барып, онымен бір жарым сағаттан аса уақыт бойы келіссөз жүргізді.

Сол кезде полиция майоры әңгіме барысында жігіт бірнеше рет екіұдай күйде болғанын: алдымен түсуге келіскенімен, кейін қайтадан бас тартқанын айтқан болатын. Ол түсуге келіскен кезде, полицей жедел әрекет етіп, оны ұстап үлгерген. Құтқару сәті видеоға түсірілді.

Салдары

Іс жігітті құтқарумен ғана шектелген жоқ. Оқиғадан кейін оған қатысты "Ұсақ бұзақылық" бабы бойынша әкімшілік іс қозғалып, кейін ол сотқа жолданған.

"Сот 20 сәуірде Н.-ның алкогольдік масаң күйде болғанын анықтады. Ол өз іс-әрекетінің салдарын сезіне тұра, үй шатырының жиегіне шығып, сол арқылы қоғамдық тәртіпті бұзған", - делінген сот хабарламасында.

Сот тұрғынның бұл әрекеті жұрт алдындағы көрініс сияқты болғанын атады: ол нормаларды елемей, өзін қауіп-қатерге тігіп, айналасындағылардың зәресін алған.

Сот талқылауы барысында жігіт кінәсін толық мойындады. Ол сол күні қызымен ұрысып қалып, көңіл-күйі тұрақсыз болғанын, ал ішімдіктің әсерінен өз іс-әрекетін бақылай алмағанын айтты.

"Сот қаулысымен ол ӘҚБтК-нің 434-бабы 1-бөлігінде көзделген әкімшілік құқық бұзушылықты жасағаны үшін кінәлі деп танылып, 10 тәулікке қамауға алу түріндегі әкімшілік жаза алды", - деп үкімді жариялады сотта.

Сот жаза тағайындау кезінде іс-әрекеттің ауырлығы мен сипаты, оның айналасындағыларға тигізген теріс әсері және әдепсіз мінез-құлық арқылы көрсетілген қоғамға құрметсіздігі ескерілгенін түсіндірді. Қаулы заңды күшіне енген жоқ.