Астанада жартылай жалаңаш ер адам көпірге шығып алды

Астанада жартылай жалаңаш ер адам көпірге шығып алды, - дер хабарлайды Tengrinews.kz тілшісі.

Бүгін түстен кейінгі уақытта, шамамен 14.45-те ер адам жейдесін шешіп тастап, Қазақстанның Жоғарғы сотының ғимаратына қарама-қарсы көпірдің тірегіне шығып алды. 

Оқиға орнына жедел әрекет ету қызметі келді. Ер адам қолына пышақ ұстап алған. Соған қарағанда, ол суицид жасағысы келген болуы мүмкін. 

Куәгерлердің айтуынша, көпірде кептеліс пайда болған. Кейбір мәліметтер бойынша, ер адам Тәжікстан азаматы. Қазіргі таңда ол Тәжікстан елшілігінде, онымен әңгіме жүргізіліп жатыр.