Астанада жолаушылар автобусы жол апатына ұшырады

Астанада жолаушылар автобусы жол апатына ұшырады, - деп хабарлайды Tengrinews.kz тілшісі.

"Шамамен таңғы сағат 7.00-де № 34 бағыттағы маршрут жолға шықты. Салонда тек кондуктор болды, жолаушылар болған жоқ. Алдын ала мәлімет бойынша, автобус жүргізушісі тізгінге ие бола алмай, қоршау мен бағдаршамға барып соғысқан. Қазір тексеру жұмыстары жүргізіліп жатыр", - деп хабарлады Астана қалалық ІІБ баспасөз қызметінің басшысы  Софья Қылышбекова.

Оның айтуынша, жол апатынан зардап шеккендер жоқ. Жол апаты Сарыарқа мен Бөгенбай көшелерінде болған.