Астанада "Зүбаржат квартал" кешенінің ғимаратынан бір әйел құлап кетті

Астанада "Зүбаржат квартал" кешенінің ғимаратынан бір әйел құлап кетті, - деп хабарлайды Tengrinews.kz тілшісі куәгерлерге сілтеме жасап.

Алған жарақатынан әйел оқиға орнында қаза болды. Полицейлер оқиғаның мән-жайын анықтап жатыр. Астана қалалық ІІД баспасөз қызметінің өкілдері болған оқиғаның жай-жапсарын дайындап жатыр.

Полиция өкілдерінің мәліметінше, қаза болған әйелдің аяқ киімі жоқ. Әйел адамның аяқ киімі 18-қабаттан табылыпты.

Еске салайық, 2010 жылы "Зүбаржат квартал" кешенінің ғимараттарының біріндегі құрылыста "Базис-Б" ЖШС жұмысшысы қаза болған еді.